ESTA MOLÉCULA TRANSPORTA TNT

Eu revólvome no meu malditismo propio
recorro o meu corpo ás destrozadelas
camiño en círculos, odio o que teño preto.

E se ti es anarquista
pois pon bombas.

Eu atraveso os sitios coma quen fai novelas
esquezo os nomes e paro brincadeiras
e encubro a traxedia en fumes e nostalxias.

Se ti es anarquista
pois pon bombas.

Eu non teño provisións de dinamita e máis desexos
a ialma fuxiume nalgunha borracheira
o ego fíxose pasar por ela
e ninguén se percatou da súa ausencia.

A ialma ten forma de detonador
se a conservas
e se ti es anarquista
pois pon bombas
moitas, moitas.


(De "Cantos paquetes de cigarros conforman una derrota?" Alí Omar, 1999)