Teño convencemento
en que o significado da vida
rematará con Fidel
a pouca moral que posuímos
xacerá uniformada en verde oliva
a ideia desesperada dunha dignidade
non comercializábel
a fe: crer no que non vimos
ten data de final
sepultura en palmeiras, mausoleo
día do xuízo e penitencia: subsistir
orfandade de praia devastada
ouh Comandante
o motor do mundo
éche tan fráxil
tan humano e tan mortal
mirando embelesados un fío
o fío que nos leva e rachará.
(De "Posíbel mais Imposíbel". Alí Omar, 2003)
Suscribirse a:
Enviar comentarios (Atom)
No hay comentarios:
Publicar un comentario